Sat, 07 Sep 2024 11:46:08
مہاراشٹرااورگجرات میں بارش کا سلسلہ ہنوز جای ہے جبکہ محکمہ موسمیات نے گجرات کے بیشتر علاقوں میں آج سنیچر کو بھی موسلادھار بارش کے امکانات ظاہر کئے ہیں۔ محکمہ موسمیات کی مانیں تو وسطی مہاراشٹرا سمیت کوکن اورگوا میں 7 سے 9 ستمبر کے دوران بھاری بارش کا امکان ہے۔محکمہ موسمیات کے مطابق آندھرا پردیش میں 8 سے 9 ستمبر تک اور تلنگانہ میں 9 سے 10 ستمبر تک الگ تھلگ مقامات پر بھاری بارش کے امکانات
View more
Sat, 07 Sep 2024 11:43:43
اتر پردیش کے ہاتھرس میں ایک خوفناک سڑک حادثہ پیش آیا ہے جس میں کم از کم 12 افراد جاں بحق ہو گئے ہیں۔ بتایا جا رہا ہے کہ ہاتھرس کے کوتوالی چندپا علاقہ کے کپورا چوراہے کے قریب روڈویز کی ’جنرتھ بس‘ نے ’میکس پِک اَپ‘ میں زوردار ٹکر مار دی۔
View more
Sat, 07 Sep 2024 11:39:21
لوک سبھا میں حزب اختلاف کے لیڈر اور کانگریس رکن پارلیمنٹ راہل گاندھی نے آج اجین اور سدھارتھ نگر میں خواتین کے ساتھ ہوئی بربریت کے خلاف آواز بلند کی ہے۔ انھوں نے مدھیہ پردیش کے اجین اور اتر پردیش کے سدھارتھ نگر میں پیش آئے عصمت دری کے واقعات پر مبنی سرخی کا اسکرین شاٹ اپنے ’ایکس‘ ہینڈل پر شیئر کرتے ہوئے لکھا ہے کہ ’’اجین اور سدھارتھ نگر میں خواتین کے ساتھ ہوئی بربریت انسانیت پر بدنما داغ ہے۔‘‘
View more
Sat, 07 Sep 2024 11:35:42
پارلیمنٹ میں کئی بار دیکھا گیا ہے کہ جب اراکین بول رہے ہوتے ہیں تو اچانک مائک بند ہو جاتا ہے۔ خصوصاً اپوزیشن پارٹیوں کے اراکین کئی بار اس تعلق سے اپنے اعتراضات ظاہر کر چکے ہیں۔ لوک سبھا میں حزب مخالف کے قائد راہل گاندھی بھی بولتے وقت مائک بند ہونے کی شکایت کئی مرتبہ کر چکے ہیں۔
View more
Sat, 07 Sep 2024 11:32:31
مشہور پہلوان ونیش پھوگاٹ اور بجرنگ پونیا نے کانگریس میں شامل ہونے کے بعد ملک اور عوام کی خدمت جی جان سے کرنے کا عزم ظاہر کیا ہے۔ خاص طور سے خاتون پہلوان ونیش پھوگاٹ نے کہا ہے کہ جس طرح سے انھوں نے کشتی میں اپنی پوری طاقت جھونک دی، اسی طرح عوام کی خدمت بھی دل و جان سے کریں گی۔ ونیش نے پریس کانفرنس کے دوران عوام سے وعدہ کیا کہ ’’میں آپ کی امیدوں پر کھری اتروں، ایسی کوشش کروں گی۔‘‘
View more
Sat, 07 Sep 2024 11:28:31
عدالت عظمیٰ نے 6 ستمبر کو ’ایگزٹ پول‘ کو کنٹرول کرنے سے متعلق مفاد عامہ عرضی پر سماعت کرتے ہوئے اسے خارج کرنے کا فیصلہ سنایا۔ عدالت نے اسے سیاسی مفاد عرضی قرار دیتے ہوئے کہا کہ ملک میں حکومت چلنے دیں اور الیکشن کے فسانہ کو بند کریں۔ بی ایل جین کے ذریعہ داخل اس عرضی پر چیف جسٹس ڈی وائی چندرچوڑ، جسٹس جے بی پاردیوالا اور جسٹس منوج مشرا کی بنچ نے سماعت کی۔
View more
Sat, 07 Sep 2024 11:25:21
بہار کے بیگوسرائے ضلع میں جمعہ کے روز بکری چوری کے الزام میں دو نوجوانوں کا ہاتھ پیر باندھ کر بری طرح پیٹنے کا معاملہ سامنے آیا ہے۔ اس حادثہ میں ایک نوجوان کی موت ہو گئی ہے جبکہ دوسرے کی حالت سنگین بتائی جا رہی ہے۔ حالانکہ پولیس کا کہنا ہے کہ بھاگنے کے سبب بائک حادثہ میں ایک ملزم زخمی ہوا اور بعد میں اس کی موت ہو گئی۔
View more
Sat, 07 Sep 2024 11:17:23
بی جے پی اور عام آدمی پارٹی کے لیڈران و کارکنان کا بڑی تعداد میں کانگریس میں شامل ہونا جاری ہے۔ آج کانگریس کے لیے وہ لمحہ انتہائی خوش کن تھا جب بی جے پی اور عآپ سے جڑے 72 وکلاء نے آئین کو بچانے کے لیے کانگریس صدر کھڑگے اور لوک سبھا میں حزب اختلاف کے لیڈر راہل گاندھی کی کوششوں سے متاثر ہو کر کانگریس کا دامن تھام لیا۔
View more
Sat, 07 Sep 2024 11:11:02
عالمی شہرت یافتہ خاتون پہلوان ونیش پھوگاٹ اور ان کے ساتھی مرد پہلوان بجرنگ پونیا نے کانگریس میں شمولیت اختیار کر لی ہے۔ ہریانہ اسمبلی انتخاب سے عین قبل ان دونوں کھلاڑیوں کی کانگریس میں شمولیت بہت اہم تصور کیا جا رہا ہے۔ امید کی جا رہی ہے کہ ونیش پھوگاٹ ہریانہ اسمبلی انتخاب میں قسمت آزمائی بھی کریں گی، جبکہ بجرنگ پونیا نے پہلے ہی عوام کی خدمت کرنے کا جذبہ ظاہر کیا ہے۔
View more
Your experience on this site will be improved by allowing cookies
Cookie Policy
