Mon, 18 Aug 2025 11:34:16
حزب اختلاف کے 'ووٹ چوری' کے الزامات کے درمیان، الیکشن کمیشن نے کل یعنی17 اگست کو ایک پریس کانفرنس کرکے اپنی وضاحت پیش کی۔ ادھو دھڑےکی خاتون رہنما پرینکا چترویدی نے الیکشن کمیشن کی پریس کانفرنس پر سخت ردعمل دیا ہے۔
View more
Mon, 18 Aug 2025 11:25:08
بہار میں راہل گاندھی کی ووٹر ادھیکار یاترا کی طرز پر دہلی میں بھی اس یاترا کی علامتی شروعات ہوئی۔ دہلی پردیش کانگریس کمیٹی کے صدر دیویندر یادو کی قیادت میں کراول نگر ضلع کانگریس کمیٹی کے دفتر دیاوید بھون، بُراڑی سے یہ یاترا نکالی گئی۔ اس موقع پر کانگریس کارکنوں کی بڑی تعداد شریک ہوئی جنہوں نے بی جے پی حکومت اور الیکشن کمیشن کے خلاف نعرے لگائے۔
View more
Mon, 18 Aug 2025 11:21:31
بہار میں انتخابی ہلچل کے بیچ الیکشن کمیشن نے ایک اہم فیصلہ لیتے ہوئے ڈرافٹ ووٹر لسٹ سے خارج کیے گئے تقریباً 65 لاکھ ووٹروں کے نام عوامی طور پر جاری کر دیے ہیں۔ یہ قدم سپریم کورٹ کے حکم کے تحت اٹھایا گیا ہے، جس نے حال ہی میں کمیشن کو ہدایت دی تھی کہ ووٹر لسٹ سے ہٹائے گئے افراد کے نام اور ان کے اخراج کی وجوہات عوام کے سامنے رکھی جائیں تاکہ شفافیت قائم ہو۔
View more
Mon, 18 Aug 2025 11:18:37
بہار میں جاری ووٹر لسٹ کی خصوصی نظر ثانی (ایس آئی آر) پر ملک میں ہنگامہ جاری ہے۔ اسی درمیان الیکشن کمیشن نے اتوار (17 اگست) کو ایک پریس کانفرنس کیا۔ دوسری جانب اپوزیشن نے الیکشن کمیشن کے پریس کانفرنس پر ہی سوال کھڑا کر دیا ہے۔ آر جے ڈی لیڈر منوج جھا نے الیکشن کمیشن کی پریس کانفرنس پر کہا کہ ’’یہ ادارہ (الیکشن کمیشن) آئین کی تخلیق ہے، آئین نہیں ہے۔
View more
Mon, 18 Aug 2025 11:14:45
عام آدمی پارٹی کے سینئر لیڈر اور دہلی کے سابق وزیر اعلیٰ منیش سسودیا نے سرکاری حکم کے تحت اساتذہ کو وزیر اعظم نریندر مودی کی ریلی میں بھیجے جانے پر بی جے پی کو ہدف تنقید بنایا ہے۔
View more
Sun, 17 Aug 2025 19:50:25
ملک میں ایس آئی آر کے دوران رائے دہندگان کی فہرست سے لاکھوں نام حذف ہونے کے معاملے پر تنازعہ کم ہونے کا نام نہیں لے رہا ہے۔ ایسے میں الیکشن کمیشن نے اتوار کو ایک پریس کانفرنس کی، جس پر اپوزیشن نے سخت سوالات اٹھائے ہیں۔ کانگریس کے سینئر رہنما اور پارٹی کے کمیونیکیشن انچارج جے رام رمیش نے الیکشن کمیشن پر براہِ راست حملہ بولتے ہوئے کہا کہ کمیشن اپنی ناکامی اور جانبداری سے پوری طرح بے نقاب ہو چکا ہے۔
View more
Sun, 17 Aug 2025 18:20:44
بہار کے ساسارام سے کانگریس کی ’ووٹر ادھیکار یاترا‘ کا آغاز ہو گیا ہے۔ پارٹی کے صدر ملکارجن کھرگے نے اس موقع پر عظیم الشان ریلی سے خطاب کرتے ہوئے مرکز کی نریندر مودی حکومت اور بہار کی نتیش کمار حکومت پر سخت حملہ بولا۔ انہوں نے کہا کہ جب تک بھارتیہ جنتا پارٹی کی قیادت والی حکومت اقتدار میں ہے، تب تک نہ عوام کے حقوق محفوظ ہیں اور نہ ہی آئین کی سلامتی یقینی ہے۔
View more
Sun, 17 Aug 2025 17:28:35
اپوزیشن کے ’ووٹ چوری‘ کے الزامات کے درمیان الیکشن کمیشن نے اتوار (17 اگست) کو ایک پریس کانفرنس کیا۔ ہندوستان کے چیف الیکشن کمشنر گیانیش کمار نے کہا کہ ’’الیکشن کمیشن تمام سیاسی پارٹیوں کے ساتھ یکساں سلوک کرتا ہے، کیونکہ ہر پارٹی کا وجود کمیشن میں رجسٹریشن کے بعد ہوتا ہے۔‘‘ ساتھ ہی انہوں نے واضح کیا کہ ’’کمیشن کے لیے کوئی حکمراں جماعت یا اپوزیشن نہیں ہے، تمام پارٹیاں برابر ہیں۔‘‘
View more
Sun, 17 Aug 2025 17:24:30
کانگریس کے سینئر لیڈر اور لوک سبھا میں اپوزیشن کے رہنما راہل گاندھی نے آج بہار کے ساسارام سے اپنی 16 روزہ اور تقریباً 1300 کلومیٹر طویل ’ووٹر ادھیکار یاترا‘ کا آغاز کیا۔ یہ یاترا یکم ستمبر کو پٹنہ میں ایک بڑی ریلی کے ساتھ اختتام پذیر ہوگی۔ اس مہم کو اپوزیشن اتحاد انڈیا بلاک نے ’ون پرسن، ون ووٹ‘ کے اصول کے تحفظ کے لیے ایک بڑی سیاسی پہل قرار دیا ہے۔
View more
Your experience on this site will be improved by allowing cookies
Cookie Policy
