نئی دہلی، 20؍جنوری(ایس او نیوز؍ایجنسی)ملک کے بڑے شہروں میں کورونا کے نئے مریض کم ہونے لگے ہیں - سب سے پہلے، 27 دسمبر سے ملک میں نئے کیس ممبئی میں بڑھنے لگے - یہاں 7 جنوری کے بعد مریض مسلسل کم ہو رہے ہیں - یہی رجحان اب دہلی، کولکتہ، بنگلورو، چنئی اور پونے میں نظر آرہا ہے-ممبئی میں چوٹی تک پہنچنے میں 12 دن لگے-وہیں کولکتہ میں چوٹی تک پہنچنے میں 14 دن لگے- ان شہروں میں مثبت مریضوں کی شرح بھی کم ہونا شروع ہو گئی ہے- اگر یہی سلسلہ جاری رہا تو 26 جنوری تک ملک عروج پر آجائے گا-

ماہرین کے مطابق جنوبی افریقہ میں انفیکشن کی پہلی لہر اومیکرون کی وجہ سے آئی- یہاں 3 ہفتوں کے بعد ہی کیس کم ہونے لگے- یہی رجحان برطانیہ میں بھی رہا- ظاہر ہے کہ دنیا بھر میں جہاں بھی اومیکرون نئی لہر کا سبب بنا، تقریباً یہی رجحان دیکھا گیا ہے-جب سے ملک کے بڑے شہروں سے تیسری لہر شروع ہوئی ہے، پہلے ان شہروں میں مریض بھی کم ہوئے ہیں - اس کے پیش نظر آنے والے چند دنوں میں ہندوستان میں حالات مکمل طور پر نارمل ہو سکتے ہیں -ملک میں لاکھوں لوگ کووڈ ٹسٹ کٹس خرید کر اپنا ٹسٹ کر رہے ہیں - یہ اعداد و شمار کہیں درج نہیں ہیں -وہیں لاکھوں لوگ ٹسٹ نہیں کروا رہے ہیں - جو لوگ جو ٹسٹ کٹس خرید کر خود معائنہ کرتے ہیں یہ وہ لوگ ہیں جن میں علامات ضرور ہوں گی-

ماہرین صحت کے مطابق کورونا سے متاثرہ 90 فیصد سے زائد افراد میں علامات نہیں ہوتیں - ان کے مطابق روزانہ متاثر ہونے والے افراد کی تعداد اعداد و شمار سے کہیں زیادہ ہے-اب ڈیلٹا کی جگہ اومیکرون نے لے لی ہے، کیس جتنی تیزی سے بڑھ رہے ہیں، اتنی ہی تیزی سے کم بھی ہو رہے ہیں -