کاروار:18؍جنوری (ایس او نیوز) الیکشن کمیشن  آئندہ ہونےو الے لوک سبھا انتخابات کی تیاری میں مصروف ہے۔اندراج و اخراج   اور ترمیم کے بعد تشکیل دی گئی  رائے دہندگان کی  فہرست کے مطابق ضلع کے 6ودھان سبھا حلقہ جات میں کل 11،40،316 ووٹر ہیں۔ چونکہ انتخابات کے قریب تک ووٹروں کے اندراج کے لئے موقع دیا گیا ہے تو رائے دہندگان کی تعداد میں مزید اضافے کاامکان ہے۔ فی الوقت  ضلع کے حلقہ جات کے ووٹروں کی تعداد کچھ اس طرح ہے۔

حلقہ جات           مرد                        خواتین                دیگر                    کل

ہلیال             86864                     84358              03                    171225

کاروار          107167                   108573            --                    215740

کمٹہ              90640                     89347             02                    179989

بھٹکل          108254                   103793          --                    212047

سرسی          96587                     93841             02                    190430

یلاپور          87226                     83658             01                   170885

اترکنڑا ضلع میں کل 576738مرد ،563570خواتین اور08دیگر سمیت کل 1140316رائے دہندگان ہیں۔سبھی حلقہ جات میں  ووٹر لسٹ کی تجدیدکاری کے دوران مختلف وجوہات کی بنا 14ہزار ووٹر دیگرمقامات منتقل ہوئے ہیں تو 12ہزار نئے ووٹرس کی شمولیت ہوئی ہے۔

لوک سبھا انتخابات کی تیاری کو لےکر رائے دہندگان کی فہرست تشکیل دینے کے بعد اصول کے مطابق ضلع الیکشن کمشنر دفتر میں سیاسی پارٹیوں کے نمائندوں کے ساتھ میٹنگ منعقد ہوئی ۔ جہاں اخراج  اور اندراج کی تعداد اور ناموں کولے کر انہیں جانکاری دی گئی اور اس تعلق سے کوئی اعترا ض یا شکایت ہونے پر متعلقہ حلقہ کے تحصیلدار دفتر میں عرضی سونپنے کو کہاگیا ۔ اس کے بعد حتمی فہرست کااعلان کیاگیا ہے۔