بھٹکل:15؍اگست (ایس اؤ نیوز)جمعرات کی علی الصبح برسی بارش اور تیز ہواؤں کے چلتے جالی علاقہ میں ایک گھر کی چھت گرنے اور بائیلور دیہات میں گھر کو نقصان پہنچنے کا واقعہ پیش آیاہے۔

بھٹکل کے جالی علاقےمیں مہرون نامی خاتون کے گھر کی چھت تیز ہوا اور بارش کی وجہ سے نکل گئی تو سوشیل ڈیموکرٹیک پارٹی آف انڈیا (ایس ڈی پی آئی ) کے کارکنان وسیم منیگار،عاکف گوائی ، رومان شیخ ، جمان وغیرہ  نے جائے وقوع پہنچ کر چھت کی درستی اور گھر کو پاک صاف کرنے میں تعاون کیا۔

اسی طرح تعلقہ کے بائیلور دیہات میں شری دھر گنپتی آچاری کا گھر منہدم ہونے کی اطلاعات موصول ہوئی ہیں۔ بائیلور گرام پنچایت صدر منجوناتھ نائک جائے وقوع پہنچ کر گھر کی خاتون اور دو چھوٹے بچوں کو پاس کے آنگن واڑی مرکز میں منتقل کیا۔ اس کے بعد گھر کی صفائی کا کام کرایاگیا۔ تحصیلدار وی پی کوٹرولی نے بھی اپنے عملے کے ساتھ جائے وقوع پہنچ کر معائنہ کیا۔